Դպրոցներում նոր առարկա կդասավանդվի
Կրթության, գիտության, մշակույթի և սոպրատի նախարարությունից iPress.am-ը տեղեկանում է, որ հանրակրթական ուսումնական հաստատություններում՝ 5-6-րդ դասարաններում նոր առարկա է դասավանդվելու։
«Ես և իմ հայրենիքը» և «Ես, իմ հայրենիքն ու աշխարհը» դասընթացները նպաստում են իր ինքնությունն ու քաղաքակրթությունների արժեհամակարգերը ճանաչող անհատի ձևավորմանը, որն էլ միտված կլինի սեփական գործունեությամբ նպաստել հայ և համաշխարհային հասարակության զարգացմանն ու վերափոխմանը՝ այն սկսելով սեփական անձից և սոցիալական ու բնական միջավայրից:
Դասընթացի շրջանակում ուսումնասիրվելու են աշխարհն ու տարբեր քաղաքակրթություններից ստացած ժառանգությունն ու դրանց ազդեցությունը մեր օրերի վրա:
Առարկան դասավանդվելու է 5-6-րդ դասարաններում՝ որպես հասարակագիտական առարկաների հիմք:
Առարկան կառուցվել է հետևյալ չորս հիմնական հասկացությունների շուրջ.
1. Անհատ
2. Ինքնություն
3. Հասարակություն
4. Արժեք «Ես և իմ հայրենիքը» և «Ես, իմ հայրենիքն ու աշխարհը» դասընթացի ուսումնառության հիմքում դրված են հետևյալ մոտեցումները՝
1.հասկացությունների վրա հիմնված ուսումնառություն (հասկացությունն առարկայի հիմքում ընկած գաղափարներն են, որոնք չունեն ժամանակի, տարածության և մշակութային սահմանափակումներ),
2.հմտություններ՝
✔սովորողի ուսումնական հմտությունների զարգացում՝ քննադատական, վերլուծական, հետազոտական, ստեղծագործական մտածողություն,
✔հաղորդակցական-համագործակցային հմտությունների զարգացում,
✔ինքնակազմակերպման հմտություն: 3. ինքնուրույն հետազոտության վրա հիմնված ուսումնառություն,
4. տարբերակված ուսումնառություն, 5. իրական կյանքին առնչվող և խնդրահարույց հարցերի հետազոտման վրա հիմնված ուսումնառություն:
