Վրաստանում այսօր խորհրդարանական ընտրություններ են

Վրաստանում այսօր խորհրդարանական ընտրություններ են: Ընտրություններին մասնակցում է 18 կուսակցություն:

Ընտրատեղամասերը բացվել են շաբաթ օրը տեղական ժամանակով ժամը 8:00-ին ողջ երկրում: Կենտրոնական ընտրական հանձնաժողովի տվյալներով՝ Վրաստանում կա 3,044 ընտրատեղամաս։ Դրանց թվում են 13 հատուկ կայաններ՝ 12-ը՝ քրեակատարողական հիմնարկներում, մեկը՝ հոգեբուժական կենտրոնում։ Նաև քվեարկության օրը Վրաստանից դուրս կգործեն 67 ընտրատեղամասեր՝ 42 երկրների 53 քաղաքներում:

Ընտրելու իրավունք ունի 3.508.294 քաղաքացի, այդ թվում՝ 95 910-ը՝ արտերկրում։ Վրաստանում քվեարկությունը տեղի է ունենում 84 ընտրատարածքում։ Ամենամեծ թաղամասը Բաթումին է, որտեղ գրանցված է մոտ 155 հազար ընտրող։ Ամենափոքրը Շուախևին է (մոտ 14,5 հազ.), գրում է Newsgeorgia-ն։

Ընթացիկ ընտրություններն առաջինն են, որտեղ լայնորեն կիրառվում են քվեարկության էլեկտրոնային միջոցները՝ ընտրողների ստուգման և ձայների հաշվման սարքերը։ Դրանցից կօգտվի ընտրողների մինչեւ 90 տոկոսը։

Խորհրդարանը համալրվելու է նոր կանոններով. օրենսդիր մարմնի 150 պատգամավոր առաջին անգամ ընտրվում է ոչ թե խառը, ինչպես նախկինում, այլ ամբողջությամբ համամասնական ընտրակարգով։  

Վրաստանի վարչապետ Իրակլի Կոբախիձեն առավոտյան  արդեն քվեարկել է խորհրդարանական ընտրություններում։

«Մենք պետք է հիշեցնենք, որ այս ընտրությունները հավասարեցվում են հանրաքվեին։ Սա հանրաքվե է պատերազմի և խաղաղության, անբարոյական քարոզչության և ավանդական արժեքների, երկրի անցյալի և պայծառ ապագայի միջև:

Կոչ եմ անում բոլոր կուսակցություններին ճանաչել ընտրությունների արդյունքները, որոնք կհրապարակի ԿԸ -ն»,-ասել է Կոբախիձեն։