«Արևմտյան Նիլ»-ը հասել է Հայաստան. մեկ մարդ մահացել է... Ինչպես պաշտպանվել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հայաստանում առաջին անգամ արձանագրվել է մոծակից մարդուն փոխանցվող՝ Արևմտյան Նիլ կոչվող վիրուսը, մեկ մարդ մահացել է, շուրջ 20-ը՝ հոսպիտալացվել: Հիվանդությունների վերահսկման և կանխարգելման ազգային կենտրոնի (ՀՎԿԱԿ) տվյալներով՝ նրանց վիճակը գնահատվում է միջինից մինչև ծանր, ամենաերիտասարդը 25, տարեցը 65 տարեկան է: Բոլորն էլ ունեն խրոնիկ ու ծանր հիվանդություններ, մահացողը նույնպես ռիսկային գոտում է եղել, տարիքը՝ 60-ից բարձր: Վիրուսը բարդացման փուլում կարող է առաջացնել ընդհուպ մինչև ուղեղի թաղանթի կամ ուղեղի բորբոքում կամ երկուսը միասին՝ մենինգոէնցեֆալիտ:

Ռիսկային խմբում են ուղեկցվող, քրոնիկ կամ ծանր հիվանդություններ ունեցող մարդիկ ու տարեցները: Հիվանդությունների վերահսկման և կանխարգելման ազգային կենտրոնի տնօրեն Ստեփան Աթոյանն ասում է՝ առողջ մարդիկ այն թեթև են տանում։ Հիվանդությունը հստակ բուժում չունի, միայն ըստ ախտանշանների է բուժումը նշանակվում, չկա նաև պատվաստանյութ այս վարակի դեմ։ Թե բնակչության քանի՞ տոկոսն է թիրախային խմբում՝ ՀՎԿԱԿ տնօրենն ասաց՝ լրացուցիչ ուսումնասիրությունից հետո պարզ կլինի: Արևմտյան Նիլի, նույն Արևմտյան նեղոսի տենդի ախտանշաններն են, թեթև դեպքերում՝ ջերմություն, գլխացավ, մկանացավ, հոգնածություն, մաշկի ցան, աչքերի ցավ կամ անհանգստություն: Իսկ ծանր դեպքերում հիվանդը կունենա ուժեղ գլխացավ, բարձր ջերմություն, պարանոցի ցավ, կարկամություն, գիտակցության կորուստ, ցնցումներ, մկանների թուլություն կամ կաթված: Ինչպե՞ս պաշտպանվել այս վարակից. հիվանդությունը մարդուց մարդուն չի փոխանցվում, միայն մոծակից մարդուն: ՀՎԿԱԿ տնօրենի պնդմամբ՝ դեպքերն արձանագրվել են նաև իրենց արագ ախտորոշման շնորհիվ: Վարակի տարածման պատճառներից է գլոբալ տաքացումը, վարակված թռչունների միգրացիան, որոնցից էլ մոծակը վիրուսը վերցնում ու փոխանցում է մարդուն: Առհասարակ մոծակների բազմացման հիմնական միջավայրը ջրային տարածքներն են: Ի՞նչ է արվում, որ Հայաստանում վարակը չտարածվի, ՀՎԿԱԿ տնօրենի պնդմամբ՝ դրանք ամեն տարի անցկացվող մշտական միջոցառումներն են: Հիվանդությունների կանխարգելման և վերահսկման եվրոպական կենտրոնի տվյալներով՝ այս տարվա սկզբից մինչև հուլիսի 31-ը, Եվրոպական 8 երկրում արձանագրվել է վարակվածության 69 դեպք, 8 մարդ մահացել է: Իսկ ամերիկյան կենտրոնի պաշտոնական թվերով՝ տարեսկզբից մինչև օգոստոս ամերիկայում արձանագրվել է վիրուսի 174 դեպք: Հայաստանում Կապիկի ծաղիկ հիվանդության դեպք չի գրանցվել Օրերս էլ Առողջապահության համաշխարհային կազմակերպության տնօրեն Թեդրոս Գեբրեյեսուսը նոր վիրուսի՝ Կապիկի ծաղիկի բռնկման մասին էր ահազանգել: Վերջին երկու տարում արդեն երկրորդ անգամ է ԱՀԿ-ն հանրային առողջապահության միջազգային նշանակության արտակարգ իրավիճակ հայտարարում, ինչը պայմանավորված է Կոնգոյում և Աֆրիկայի որոշ երկրներում «Կապիկի ծաղիկ» հիվանդության դեպքերի աճով, այն, ի դեպ, նաև սեռական ճանապարհով է փոխանցվում։ Հայաստանի առողջապահության նախարարությունը տեղեկացնում է՝ Կապիկի ծաղիկ հիվանդության դեպք չի գրանցվել Հայաստանում, դրա ներթափանցման և հետագայում տարածման ռիսկն էլ համարվում է ցածր: Կապիկի ծաղիկի գաղտնի շրջանը 5-21 օր է, ախտանշանները` տենդ, սաստիկ գլխացավ, լիմֆատիկ հանգույցների մեծացում, ցավ մեջքի շրջանում, մկանացավ, արտահայտված թուլություն: Իսկ Հայաստանում արձանագրված Արևմտյան նիլը գրանցվել է հիմնականում տաք՝ Արարատի, Արմավիրի ու Արագածոտնի մարզերում: Մասնագետներն, ըստ ՀՎԿԱԿ-ի ղեկավարի, շարունակում են ուսումնասիրությունները, առաջիկայում կպարզեն թե այս մարզերում բնակչության քանի տոկոսն է թիրախային խմբում։

Առավել մանրամասն` այստեղ.

https://t.me/armenia24live