Խոշոր հրդեհ՝ Սյունիքում. կրակն ու ծուխը տեսանելի են եղել մի քանի հարյուր մետրից

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Այսօր՝ օգոստոսի 9-ին, խոշոր հրդեհ է տեղի ունեցել Սյունիքի մարզում: Ժամը 00:25-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Սիսիան խոշորացված համայնքի Տոլորոս գյուղի վերջնամասում գտնվող անասնագոմի մոտ խոտածածկ տարածք է այրվում, որը հնարավոր է հասնի անասնագոմին:

Ինչպես հայտնում է ֆոտոլրագրող Գագիկ Շամշյանը, դեպքի վայր են ժամանել Սիսանի թիվ 57 հրշեջ-փրկարարական ջոկատից 2 մարտական հաշվարկ:

Մինչ հրշեջների ժամանումը՝ կրակի տարածման դեմ պայաքրել են անասնագոմի սեփականատեր Վահրամ Գ.-ն և գյուղացիները:

Հրդեհի հետևանքով՝ տուժածներ չկան:

Պարզվել է, որ կրակը բռնկվել է նաև անասնագոմում, որն ամբողջությամբ այրվել է:

Ներսում՝ 2500 հակ անասնակեր և անասնագոմին կից 1000 հակ անասնակեր, անասնագոմի ներսում ծխահարվել սատկել են 8 ցուլ և 16 հորթ: Հրշեջ-փրկարարները կանխել են հրդեհի տարածումը դեպի մոտակա տներ:

Այս պահին հրշեջները գյուղացիների հետ շարունակում են աշխատանքները, քանի որ կրակը դեռ չի մարվել և կան թաքնված օջախներ, որտեղ, հնարավր է, կրակ լինի:

Դեպքի փաստով Սիսիանի քննչական բաժնում նախաձեռնվել է քրեական վարույթ:

Առավել մանրամասն` այստեղ.

https://t.me/armenia24live