Սև ժապավեն ու ծաղիկներ․ Սևանը սգում է Արսեն Աֆիյանի մահը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հուլիսի 17-ին սպանված, Սևան համայնքի ավագանու անդամ 37-ամյա Արսեն Աֆիյանի մահը սգում են ոչ միայն հարազատները, ընկերները, այլ նաև ողջ համայնքը։ Ընկերները նշում են, որ դժվար է Արսենի մասին խոսել անցյալով։

«Իր անմիջականությամբ ու պարզությամբ լցնում էր շուրջբոլորը՝ ներկայությունը դարձնելով ցանկալի ու սպասված: Դժվար է հավատալ, որ Արսենն այլևս մեզ հետ չէ»,- Oragir.News-ի հետ զրույցում ասաց սպանվածի ընկերներից մեկը։ Քաղաքացիները նրան հիշում են որպես լավագույն երիտասարդ ու մասնագետ։ «Կենսուրախ էր ու միշտ պատրաստակամ օգնել դիմացինին։ Վստահելի ու լավատես էր, բազում նպատակներ ու ծրագրեր ուներ։ Համոզված եմ՝ չի լինի մեկ մարդ, ով Արսենի մասին կարողանա խոսել վատը, որովհետև շատ լավ անձնավորություն էր»,- ասաց Սևանի մեկ այլ բնակիչ։ Սևան համայնքի մուտքի մոտ սև ժապավեն է կապվել, իսկ Սևանի համայնքապետարանում դրվել է Արսեն Աֆիյանի նկարն ու ծաղիկներ՝ ի հիշատակ սպանված ավագանու անդամի։ Հիշեցնենք,որ հուլիսի 17-ին, ժամը 22։00-ին Գեղարքունիքի մարզում՝ Երևան-Սևան ավտոճանապարհի Սևանի վարչական տարածքում գործող «Best Western Bohemian Resort» հանգստյան գոտում կրակոցներ են հնչել։ «Սևան» բժշկական կենտրոն են տեղափոխվել Գեղարքունիքի մարզի բնակիչ 37-ամյա Արսեն Աֆիյանը, Կոտայքի մարզի բնակիչ 41-ամյա Էդգար Աֆյանը և Գեղարքունիքի մարզի բնակիչ 56-ամյա Աղասի Ալոյանը։ Ժամեր անց Արսեն Աֆիյանը, գիտակցության չգալով, մահացել է։ Նշենք նաև, որ սպանվածը Սևան համայնքի ավագանու անդամ էր և հայտնի ատամնաբույժ Սևան քաղաքում։

Առավել մանրամասն` այստեղ.

https://t.me/armenia24live