Արաուխոն կարող է այլևս չխաղալ 2024 թվականին
Спорт
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ուրուգվայի հավաքականի և իսպանական «Բարսելոնայի» ֆուտբոլիստ Ռոնալդ Արաուխոն ստացած վնասվածքի պատճառով կարող է երկար ժամանակ բաց թողնել:
Ինչպես ավելի վաղ հայտնել էինք՝ պաշտպանը վիրահատության կենթարկվի: Նա կարող է այս տարի այլևս չխաղալ: Սպասվում է, որ ֆուտբոլիստին ապաքինվելու համար կպահանջվի մոտ չորս ամիս:
25-ամյա պաշտպանը վնասվածք է ստացել Բրազիլիայի հավաքականի հետ Կոպա Ամերիկայի քառորդ եզրափակչի խաղում (0:0, 11մ.՝ 4:2): Այնուհետև Արաուխոն բաց էր թողել Կոլումբիայի հավաքականի հետ մրցաշարի կիսաեզրափակիչը (0:1), ինչպես նաև կանադացիների հետ երրորդ տեղի համար հանդիպումը (2:2, 11մ.՝ 4:3):
Հիշեցնենք, որ Արաուխոն գործող աշխատանքային պայմանագիր ունի կատալոնական «Բարսելոնայի» հետ մինչև 2026 թվականի հունիսը։ Ավելի վաղ ԶԼՄ-ներում տեղեկություն էր հայտնվել, որ կապտանռնագույնները դիտարկում են ընթացիկ տրանսֆերային պատուհանում Ուրուգվայի հավաքականի պաշտպանին վաճառելու տարբերակը։
