Գիտնականները նշել են, որ ժամանակակից արևային մարտկոցներն արգելակում են ապագայի արևային մեքենաների զարգացումը

Արևային էներգիայով աշխատող մեքենաները դեռ ճանապարհ ունեն անցնելու, և կա դրա գիտական բացատրությունը, գրում է progorodspb.ru-ն։

Հետազոտողները պարզել են, որ մեքենաների մեջ նման տեխնոլոգիաների ներդրման հիմնական խնդիրն արևային մարտկոցների անարդյունավետությունն է, որոնք չեն կարողանում արևից վարելու համար անհրաժեշտ էլեկտրաէներգիա արտադրել։

Համաձայն Popular Science-ի հրապարակած հոդվածի՝ արևային խոշոր ֆերմաներն էներգիա են մատակարարում քաղաքներին և գյուղերին՝ տեղադրելով միլիոնավոր արևային մարտկոցներ: Բայց սովորական մեքենան չունի բավականաչափ մակերես՝ մեծ քանակությամբ արևային էներգիա հավաքելու համար:

Մեկ այլ դժվարություն էլ այն է, որ ներկայիս արևային մարտկոցներն այնքան էլ արդյունավետ չեն արևի լույսը էլեկտրականության վերածելու գործում: Սովորաբար նրանց արտադրողականությունը կազմում է ընդամենը 20 %: Միջին մեքենայի չափսերը չեն գերազանցում 4,4 մետր երկարությունը և 1,75 մետր լայնությունը։ Նման մեքենայի վրա արևային մարտկոց տեղադրելու դեպքում կարելի է ստանալ մոտ 3420 Վտ էներգիա, ինչը բավարար է սառնարանը, լվացքի մեքենան և միկրոալիքային վառարանը գործարկելու, բայց ոչ մեքենայի համար։ Համեմատության համար նշենք, որ էլեկտրական մեքենային 100 կմ/ժ արագությամբ երթևեկելու համար պահանջվում է մոտ 20000 Վտ:

2023 թվականին Tesla-ն իր մեքենաներում օգտագործել է արևային մարտկոցների համակարգ։ Բայց դա հիմնականը չի եղել, ուղղակի մեքենան ավտոմատ անցնում է արևային մարտկոցի միայն արևի ավելորդ լույսի դեպքում։ Արևային մեքենաներ կարելի է տեսնել World Solar Challenge մրցարշավում, որն անցկացվում է երկու տարին մեկ, Ավստրալիայում: Մասնակիցները պետք է անցնեն 3000 կիլոմետր՝ օգտագործելով միայն արևային էներգիան։

Ըստ Times Higher Education-ի, 2018 թվականին Սանկտ Պետերբուրգի պոլիտեխնիկական համալսարանի մի խումբ ուսանողներ մշակել են իրենց արևային մեքենան՝ 200 կիլոգրամից պակաս քաշով, կատամարանին նմանվող արտաքինով և 4 քառակուսի մետր արևային մարտկոցներով, որոնք էներգիա են տալիս միակ շարժիչով առջևի անիվին: Պարզ օրը մարտկոցները լիովին լիցքավորվում են յոթ ժամում: Ամբողջական լիցքավորման դեպքում հեռահարությունը կազմում էր 400 կմ, իսկ մեքենայի առավելագույն արագությունը՝ մոտ 120 կմ/ժ։ Բայց Ավստրալիա գնալու փոխարեն ուսանողները մեկնել են ԱՄՆ՝ մասնակցելու ամերիկյան արևային մարտահրավերին: Ցավոք, շարժիչի հետ կապված խնդիրների պատճառով մեքենան դուրս է եկել մրցարշավից: Թիմի համար շատ ավելի կարևոր է եղել հաղթանակը «Լավագույն առաջին մեքենա» անվանակարգում։ Նրանց մեքենայի կառուցվածքը տարբերվում է ցանկացած այլ արևային մեքենայից:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ Info@solaron.am