Քաղաքացին ապացույց է ուղարկել (տեսանյութ)
Видео![](banners/solaron_s.gif?v=4)
Օրերս մենք գրել էինք, որ Արարատի բնակիչներից մեկը մեզ տեղեկացրեց, որ քաղաքի կենտրոնում գտնվող պուրակից հեռացվել են ազգային հերոսների նկարները։
Մենք զանգահարել էինք Արարատի համայնքապետարան եւ աշխատակազմի ղեկավարից փորձել էինք ճշտել՝ հավաստի՞ է այդ տեղեկությունը, սակայն նրանից պատասխանի փոխարեն հանդիմանանքներ էինք ստացանք. «Դուք տեսե՞լ եք էդ պուրակը, եկեք տեսեք, նոր հարցեր տվեք, ով ինչ ասի, պիտի զանգեք հարցե՞ր տաք»։
Նշենք,որ ավելի ուշ Արարատի համայնքապետարանը հայտարարություն է տարածել.
«Ի պատասխան մամուլում շրջանառվող տեղեկությունների, որ Արարատ քաղաքի երկկողմանի փողոցից և կենտրոնական հրապարակի հարակից տարածքից հեռացվել են հերոսների նկարները՝ պարզաբանում ենք.
Վերոնշյալ վայրերում տեղակայված նկարները, որոնք պատրաստված էին պաստառից՝ արդեն վաղուց վնասվել էին քամու, անձրևի և փոշու հետևանքով, գտնվում էին շատ վատ վիճակում և այլևս ենթակա չէին վերականգման։ Ելնելով վերոգրյալից, որ տարածքը անընդհատ գտնվում էր նաև մեքենաների արտանետումների տարածքում՝ համայնքապետարանի կողմից նախատեսվում է նոր տարածք առանձնացնել, որտեղ զերծ կմնանք այդչափ փոշուց և նկարների վնասվելուց»։
Հարց է առաջանում՝ եթե վերոնշյալ վայրերում տեղակայված նկարները արդեն վաղուց վնասվել էին քամու, անձրևի և փոշու հետևանքով, ինչու՞ են հիմա որոշել զբաղվել այդ հարցով։
Նշենք նաեւ, որ մեր հրապարակումից հետո Արարատի բնակիչներից մեկը մեզ տեսանյութ է ուղարկել՝ հավաստելու համար, որ ազգային հերոսների լուսանկարները հեռացվել են։