Իշխանությունը կորցնելու վախ. «Փաստ»
Пресса
«Փաստ» օրաթերթը գրում է.
News.ru–ն «Քաղաքագետը չի բացառել նոր պատերազմ Հարավային Կովկասում» վերնագրով հոդվածում գրում է, որ Հարավային Կովկասում նոր զինված հակամարտության հավանականությունը չնչին է, բայց այն դեռ կա, ասել է քաղաքագետ, Ժամանակակից պետական զարգացման ինստիտուտի տնօրեն Դմիտրի Սոլոննիկովը NEWS.ru-ի հետ զրույցում: Նա պարզաբանել է, որ կա նաև Ադրբեջանի ու Հայաստանի միջև հաշտության պայմանագրի ստորագրման հեռանկար։ Ավելին, ինչպես նշել է փորձագետը, Բաքուն հարձակվելու մտադրություն չունի, իսկ Երևանը դրա հնարավորությունը չունի։
«Մի խոսքով, լիարժեք պատերազմի հիմք չկա: Ադրբեջանը չի պատրաստվում հարձակվել Հայաստանի վրա, իսկ Երևանն այժմ պատերազմ սկսելու վիճակում չէ, դրա համար չկա բանակ, չկա քաղաքական կամք, չկան ռեսուրսներ։ Բայց, ցավոք սրտի, հաճախակի սադրանքներ են լինելու, և դա մեր ժամանակների իրականությունն է, այսինքն, լարվածությունը կշարունակվի»,ասել է Սոլոննիկովը։ Նրա խոսքով, Նիկոլ Փաշինյանը հետաձգելու է հաշտության պայմանագրի ստորագրումը։ Փորձագետն այդ մոտեցումը բացատրում է իշխանությունը կորցնելու վախով։
«Ղարաբաղում պարտության ամբողջական ընդունումից հետո Հայաստանում իշխանությունը կարող է փոխվել: Ուստի խաղաղության պայմանագրի ստորագրումը չափազանց վտանգավոր է Փաշինյանի համար։ Այդ իսկ պատճառով նա հանդես է գալիս մի քանի նոր նախաձեռնություններով, ինչպես, օրինակ՝ ադրբեջանական զորքերը Հայաստանից դուրս բերելու անհրաժեշտությունը։ Բայց անհնար է զորքերը դուրս բերել սահմանից, երբ այդ սահմանը սկզբունքորեն գոյություն չունի»,փաստել է Սոլոննիկովը։
Ավելի վաղ Ադրբեջանի նախագահ Իլհամ Ալիևը հայտարարել էր, որ Բաքուն մտադիր չէ հայելային կերպով զորքերը դուրս բերել Հայաստանի հետ պայմանական սահմանից։ Նրա խոսքով, իրեն նման առաջարկով դիմել են գործընկերները, սակայն ինքը չի համաձայնել այդ առաջարկին, քանի որ նրանք չեն բացատրել, թե որտեղի՞ց պետք է զորքը դուրս բերվի։ Ադրբեջանի ղեկավարը նաև անհիմն է անվանել Հայաստանի պահանջները Ադրբեջանից։ Ակնկալվում է, որ սահմանների հետ կապված հարցերը կլուծվեն համատեղ հանձնաժողովի նիստում։
Մանրամասները՝ «Փաստ» օրաթերթի այսօրվա համարում
