ՖՈՏՈ․ Բաքվի կառավարությունը վերականգնման քողի տակ պղծում եւ յուրացնում է հայկական եկեղեցիները, տապանաքարերը և մշակույթը․ Hyperallergic
КультураՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Բաքուն Լեռնային Ղարաբաղի ավելի քան 100,000 հայեր դուրս մղելով իրենց նախնիների հայրենիքից՝ և ցեղասպանության ենթարկվելով, ուժեղացրեց հարձակումները նաև հայկական մշակութային ժառանգության օբյեկտների վրա․ գրում է Hyperallergic-ի հոդվածագիր Մայա Պոնտոնեն։
Կոռնելի համալսարանում գործող Caucasus Heritage Watch (CHW) հետազոտական ծրագրի արբանյակային մոնիտորինգի արդյունքում պարզվել է, որ հոկտեմբերի 5-ից նոյեմբերի 3-ը բուլդոզերները ճանապարհ են հարթել Շուշիի գերեզմանատան միջով։ Նշվում է, որ 1802-1913 թվականներին հայկական գրություններով 78 տապանաքարեր են գտնվում, գերեզմանը ծածկված է թավ անտառով, ինչը հետազոտողների համար անհասկանալի է դարձնում, թե որ տապանաքարերն են վնասվել:
«Կրոնական վայրերում հայերեն գրությունները հաճախ են թիրախավորվել ադրբեջանական բռնապետության ուժերի կողմից, որոնք ձգտում են ջնջել հայոց պատմությունը»,-գրում է հոդվածագիրը և վկայակոչում Նախիջևանի գտնվող հազարավոր հայկական ժառանգության հուշարձանների վերացման մասին։
«Օգտագործելով կեղծ գիտական տեսությունը, թե հայկական գոյության այս հետքերը շինծու են, Ադրբեջանի կառավարությունը աջակցել է եկեղեցիների և տապանաքարերի պղծմանը և մշակութային յուրացմանը, այսպես կոչված, վերականգնման քողի տակ»,-նշվում է հոդվածում։
Նշվում է, որ CHW-ի հետազոտողները նաև հայտնել են հոկտեմբերին Շուշիի մեկ այլ պատմական վայրի՝ Ղազանչեցոց գերեզմանատան վնասների մասին։
«Պղծման և ջնջման ռազմավարությունները շատ կոնկրետ են և շատ նպատակային», – հարցազրույցում ասել է Հարվարդի համալսարանի հայագիտության մաշտոցյան պրոֆեսոր Քրիստինա Մարանչին՝ նկարագրելով ոչնչացումը որպես «հայկական գոյությունը բոլորի հիշողությունից էապես ջնջելու միջոց»:
