Նոր մանրամասներ Պրահայի համալսարանում 14 մարդու կյանք խլած հրաձգությունից
Международное
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Պրահայի համալսարանում դեկտեմբերի 21-ին տեղի ունեցած հրաձգության զոհերի թիվը հասել է 14-ի, 24 մարդ վիրավորվել է։ 24-ամյա հրաձիգը համալսարանի ուսանողներից էր։ Նա նույնպես մահացած է։Սպանված են գտել նաև չարագործի հորը։ Սա համարվում է Չեխիայում տեղի ունեցած ամենասարսափելի զանգվածային հրաձգությունը։Այս մասին հաղորդում է Reuters-ը։
Չեխիայի կառավարությունը դեկտեմբերի 23-ին սգո օր է հայտարարել՝ իր հիշատակ հրաձգության զոհերի։
Պրահայի ոստիկանապետ Մարտին Վոնդրասեկը հայտնել է, որ օրվա սկզբին հաղորդում է ստացվել այն մասին, որ տղամարդն, ամենայն հավանականությամբ, Կլադնոյի շրջանում գտնվող իր քաղաքից մեկնում է Պրահա՝ սեփական կյանքին վերջ դնելու մտադրությամբ։ Այս հաղորդումը ստանալուց հետո հրաձիգի հորը գտել են մահացած վիճակում։
Ոստիկանությունը տարհանել է բոլորին Կառլի համալսարանի փիլիսոփայության ֆակուլտետի շենքից, ուր հրաձիգը պետք է դասախոսության գնար, սակայն այնուհետև ոստիկաններին կանչել են այլ մասնաշենք․ նրանք հասել են հրաձգությունից րոպեներ անց։
Վոնդրասեկը հավելել է, որ հրաձիգն, ամենայն հավանականությամբ, ինքնասպան է եղել, սակայն դիտարկվում է նաև այն վարկածը, որ նա սպանվել է ոստիկանի կրակոցից։
«Դա կանխամտածված սարսափելի հարձակում էր, որը սկսվել էր Կլադնոյի շրջանում և, ցավոք, ավարտվել այստեղ», - ասել է Պրահայի ոստիկանապետը։
Հրաձիգը նաև կասկածվում է անցյալ շաբաթ մի տղամարդու և նրա երկու ամսական աղջկա սպանության մեջ․ նրանց մահացած գտել էին Պրահայից ոչ հեռու գտնվող գյուղի անտառում՝ հրազենային վնասվածքներով։
Ավելին ՝այստեղ
