Ադրբեջանում 627 մարդ է զոհվել
МеждународноеՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
2023 թվականի հունվարից մինչև սեպտեմբեր Ադրբեջանում տեղի է ունեցել 1204 ճանապարհատրանսպորտային պատահար, ինչը 4,4 տոկոսով պակաս է 2022 թվականի նույն ժամանակահատվածի համեմատ։
Այդ մասին գրում են ադրբեջանական լրատվամիջոցները։
Վիճակագրական տվյալների համաձայն՝ ՃՏՊ-ների զոհերի թիվը նվազել է 2,2 տոկոսով և կազմել 1661 մարդ։ Նրանցից 627 մարդ զոհվել է, 1034-ը՝ վիրավորվել։ Դեպքերի 43,6 տոկոսը գրանցվել է ցերեկային ժամերին, 39,6 տոկոսը՝ գիշերը, 16,8 տոկոսը՝ մթնշաղին, 29,8 տոկոսը՝ հանգստյան օրերին:
Տեղեկատվության համաձայն՝ ճանապարհատրանսպորտային բոլոր պատահարների 40 տոկոսը կապված է բազմաթիվ տրանսպորտային միջոցների հետ, 36,8 տոկոսը՝ տրանսպորտային միջոցների և հետիոտների, իսկ 23,2 տոկոսը՝ մեկ տրանսպորտային միջոցի մասնակցությամբ։
Տղամարդիկ կազմել են ճանապարհատրանսպորտային պատահարների հետևանքով զոհվածների 74,8 տոկոսը և վիրավորների 72,8 տոկոսը։
Հարբած վիճակում մեքենա վարելու հետևանքով տեղի է ունեցել 18 դեպք, որի հետևանքով 5 մարդ մահացել է, 21-ը վիրավորվել։
