«Գիտության հզորացումը․ կամուրջ գիտության և գործարարության միջև». Արամ Փախչանյան
Общество
Դեկտեմբերի 1-ին և 2-ին Երևանի Գաբրիել Սունդուկյանի անվան ազգային ակադեմիական թատրոնում տեղի կունենա ՀՀ Էկոնոմիկայի նախարարության նախաձեռնությամբ անցկացվող ամենամյա «Գիտության և գործարարության օրեր 2023» ամենամյա համաժողովը։
Համաժողովը տարվա մասշտաբային միջոցառումներից մեկն է, որը մեկ հարկի տակ է հավաքելու հարյուրավոր գիտնականների և գործարարների, որոնք կքննարկեն Հայաստանում գործարար ոլորտում գիտության ներգրավվածության չափաբաժնի ավելացման, գիտության առևտրայնացման վերաբերյալ տարբեր հարցեր:
Միջոցառման ընթացքում կքննարկվեն նորարարական գաղափարներ և նախագծեր, որոնք միտված են լինելու մեր կյանքի փոխակերպմանը, մարդկությանը սպասվող մարտահրավերներ, հայկական բիզնեսի հաջողության ոգեշնչող պատմություններ և այլ արդիական թեմաներ։ Նախարարության նախաձեռնած այս համաժողովի նպատակն է բացահայտել այն հնարավորությունները, որոնք ունեն գիտությունն ու գործարարությունը՝ փոխլարցնելով իրար և երաշխավորելով տնտեսության և գիտական մտքի շարունակական զարգացումը:
Համաժողովի ընթացքում կայանալու են մի շարք պանելային քննարկումներ արդիական թեմաներով և գիտության ու բիզնես ոլորտում կայացած գործիչների մասնակցությամբ: Առաջին պանելային քննարկումը՝ «Գիտության հզորացումը․ կամուրջ գիտության և գործարարության միջև» խորագրով, կկայանա դեկտեմբերի 1-ին, որը վարելու է Արամ Փախչանյանը: Արամ Փախչանյանը «Այբ» կրթական հիմնադրամի հոգաբարձուների խորհրդի նախագահն է։ Նրա ներդրումը հայկական կրթական համակարգում դժվար է գերագնահատել:
