Ընտրեք 2024-ի տարվա թռչնին. քվեարկություն
Общество
Գերմանիայի բնության պահպանության միության (NABU) հայաստանյան մասնաճյուղը 2024-ի խորհրդանիշ ընտրելու համար մեկնարկել է 2024 թվականի «Տարվա թռչնի» հանրային քվեարկությունը։
Առաջին փուլում սոցիալական հարթակների օգտատերերն առաջարկել են Հայաստանի 33 թռչնատեսակ, որոնց շուրջ սոց. ցանցերի օգտատերերի և միջոցառումների ընթացքում իրականացվել է քվեարկություն և 5 ամենաշատ ձայներ հավաքած թռչնատեսակներն անցել են երկրորդ փուլ։
Դրանք են՝
- անտառային աղավնի,
- բալոբան,
- կանաչ մեղվակեր,
- հայկական որոր,
- սպիտակապոչ արծիվ։
2024 թվականի «Տարվա թռչուն» կարող եք ընտրել հղմամբ։
«Տարվա թռչուն» ամենամյա կրթական արշավի նպատակն է յուրաքանչյուր տարի ընտրել այդ տարին խորհրդանշող թռչնատեսակի՝ հասարակության լայն շերտերի ուշադրությունը հրավիրելով այդ տեսակի և նրա կենսամիջավայրերի պահպանության կարևորության վրա:
Տարվա ընթացքում արշավի շրջանակում իրականացվում է տեսակի ուսումնասիրություն, տեսակին սպառնացող վտանգների բացահայտում, դրանց մեղմմանն ուղղված առաջարկությունների մշակում, էկոկրթական արշավների իրականացում՝ ներառյալ հետաքրքրվածների շրջանում իրազեկիչ դասընթացների կազմակերպում։
Մրցույթի արդյունքները կամփոփվեն Գերմանիայի բնության պահպանության միության (NABU) հայաստանյան մասնաճյուղի սոցիալական ցանցերի էջում Facebook, Instagram։
Հանրային քվեարկության շնորհիվ 2023 թվականի «Տարվա թռչունն» է քարարծիվը, 2022-ինը՝ սպիտակ արագիլը, 2021-ինը՝ գիշանգղը։
