Իսպանիայում արևային էներգիայի չափաբաժինը հուլիսին հասել է ռեկորդային 24 %-ի
Общество
Իսպանիայում էլեկտրաէներգիայի արտադրության ոլորտում արևային էներգիայի չափաբաժինը հուլիսին հասել է ռեկորդային 24 %-ի, անոմալ տապի պայմաններում, որն Իսպանիայում գերազանցում է 40 աստիճանը։
Reuters գործակալությունը վկայակոչելով «Ember» խորհրդատվական ընկերությունը նշում է, թե նախորդ տարվա հուլիսին արևային էլեկտրակայաններն ապահովել են երկրում էլեկտրաէներգիայի կարիքների 16 %-ը, և այժմ 50 %-ով արևային էլեկտրաէներգիայի արտադրությունն ավելացնելը հնարավոր է եղել այն բանի շնորհիվ, որ մեկ տարվա ընթացքում Իսպանիայում ռեկորդային քանակի արևային վահանակներ են տեղադրվել 4,5 գեգավատ ընդհանուր հզորությամբ։
Իսպանիայում «Ռեդ էլեկտրիկա» էլեկտրամատակարարման օպերատորի տվյալներով՝ արևային էներգիան թույլ է տվել բավարարել լրացուցիչ պահանջարկը ոչ միայն Իսպանիայում, այլև մյուս երկրներում և դրան նպաստել է բացառապես այս տարվա ռեկորդային տապը և արևոտ օրերի ռեկորդային քանակությունը։
Օրինակ, Սիցիլիայում արևային էլեկտրակայանները ծածկել են էլեկտրաէներգիայի հավելյալ պահանջարկի կեսից ավելին, նույնն է նաև Հունաստանում և տապը թույլ է տվել արևային էլեկտրաէներգիայի օգտագործման շնորհիվ կասեցնել ենթակայանների գերբեռնվածությունը և սարքավորումների շարքից դուրս գալը։
Հայաստանում արևային էլեկտրաէներգիա արտադրող մեկ ընկերություն կա՝ «Սոլարոնը»։
Ադելինա Մարգարյան
