17 զոհ, 18 անհետ կորած. վերջին տվյալներն աղետի գոտուց
ОбществоՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Վրաստանի Ռաճայի մարզի Օնիի մունիցիպալիտետի Շովի հանգստավայրում տեղի ունեցած տարերային աղետի զոհերի թիվն այս պահի դրությամբ (ժամը 22։00) հասել է 17-ի։ Այսօր՝ օգոստոսի 5-ին, հայտնաբերվել է ևս 6 դի։
Տեղեկությունը տարածում է Վրաստանի ներքին գործերի նախարարության արտակարգ իրավիճակների կառավարման ծառայությունը, փոխանցում է Aliq.ge-ն։
Վրաստանի առողջապահության նախարար Զուրաբ Ազարաշվիլիի խոսքով, աղետի գոտում կորածների թվում 7-8 երեխա կա։ Ըստ նախարարի՝ այս պահի դրությամբ ընհանուր առմամբ փնտրում են 18 մարդու։
Շովիում այսօր առավոտից վերսկսվել են տարերային աղետի հետևանքների վերացման աշխատանքները, որում ներգրավված են պաշտպանական ուժերը։ Բացի փրկարարներից, տեղում են նաև որոնվող անձանց մտերիմներն ու կամավորները: Զոհվածներից յոթի ինքնությունը հայտնի է։
Այս պահին աղետի գոտուց 210 մարդ է տարհանվել։ Շովիում տեղի ունեցած ողբերգությամբ պայմանավորված օգոստոսի 7-ը հայտարարվել է սգո օր։
Հիշեցնենք՝ գոստոսի 3-ին, ժամը 16:00-ի սահմաններում տեղեկություն տարածվեց, որ Շովի հանգստավայրում սողանքային գործընթացներ են ակտիվացել: Փրկարարական աշխատանքները սկսվել են ծանուցումից մոտ 3 ժամ անց։
