Անահիտ Սիմոնյանը Հայկոյի և իրենց որդու հետ արխիվային լուսանկար է հրապարակել
ВидеоԵրգիչ, երգահան, ՀՀ վաստակավոր արտիստ Հայկոյի մահից հետո էլ բոլորի ուշադրության կենտրոնում շարունակում է մնալ Հայկոյի նախկին կինը՝ երգչուհի Անահիտ Սիմոնյանը:
Այսօր Անահիտը ֆեյսբուքյան իր էջում կիսվել է 2019 թվականին արված ընտանեկան լուսանկարով, որում նախկին ամուսնու՝ Հայկոյի և իրենց որդու հետ է:
Հիշեցնենք, որ Անահիտ Սիմոնյանը երգչի մահից հետո հուզիչ գրառումներ էր արել սոցցանցի իր էջերում ներողություն խնդրելով Հայկոյից, որ չի կարողացել նրան օգնել: Երգչուհին խոստովանել է, որ որդուն չի կարողանում ասել հոր մահվան մասին.
«Առանց քեզ ես մնացի թույլ եւ անօգնական, ես չեմ կարողանում Արմանին ասել: Ես նրան տանն եմ փակել, որ ոչ ոք փողոցում նրան չասի սրա մասին: Ես տեսնում եմ, թե նա ինչպես է ապրում իր մանկական կյանքով եւ գաղափար անգամ չունի նրա մասին, թե ինչպես է աշխարհը ողբում … եւ ես չեմ կարող նրան ասել այս մասին … Ուղղակի չեմ կարող:
Ինչու թողեցիր այդ ամենը իմ ուսերին, ինչու: Բոլորը հիմա աում են, որ ես պետք է ուժեղ լինեմ, որ պետք է նաեւ մայր լինեմ, բայց ես չեմ կարող, ես չեմ կարող նրան փոխարինել քեզ: Ինչու՞ է Աստված տանում լավերին: Ինչու՞: Ես չեմ կարողանում պատասխան գտնել այս հարցին եւ երբեք չեմ կարողանա : Հանգչիր խաղաղությամբ: Բայց խոստացիր, որ միշտ կլինես կողքիս: Դարձիր մեր պահապան հրեշտակը: Իմ ամենահարազատ մարդ: Ներիր ինձ »:
Նշենք, որ Հայկոյի և Անահիտի որդին՝ Արմանը, ինստագրամի իր էջում երեկ հոր մահից հետո առաջին անգամ ընտանեկան լուսանկար էր հրապարակել, որից պարզ է դառնում, որ նա արդեն տեղյակ է հոր մահվան մասին:
Մի առիթով երգչուհին նշել էր.«Ես ուզում եմ, որ բոլոր ծնողները մեզ պես երջանիկ լինեն և իրար անսահման շատ սիրեն, քանի որ մեր երեխաները զգում են դա և դաստիարակվում են իրենց ծնողների օրինակի վրա: Ես քեզ սիրում եմ, Հայկո»:
Հիշեցնենք նաև, որ Հայկոյի մահից հետո Անահիտ Սիմոնյանը ինստագրամի սթորի հատվածում հուզիչ տեսանյութ էր հրապարակել:
Դրան կից նա ավելացրել էր նաեւ Հայկոյի «Վերեւ» երգը:
