Չինաստանի իշխանությունները կոչ են արել քաղաքացիներին «հեռու մնալ» բիթքոյնից
Экономика
Չինաստանի Ժողովրդական բանկի ֆինանսական ծառայությունների սպառողների իրավունքների պաշտպանության բյուրոյի փոխտնօրեն Ին Յուփինը հայտարարել է, որ կրիպտոարժույթների հետ կապված գործողությունները սպեկուլյացիա են: Այդ մասին հաղորդում է «Ժենմին ժիբաո» թերթը:
Յուփինն ընդգծել է, որ բիթքոյնն օրինական վճարային միջոց չէ եւ չունի իրական արժեք, ինչպես նաեւ կոչ է արել Չինաստանի քաղաքացիներին հեռու մնալ դրանից: Նրա խոսքով՝ ի պատասխան կրիպտոարժույթի գործողությունների թվի հնարավոր աճի՝ Ժողովրդական բանկը կհայտնաբերի արտասահմանյան կրիպտոբորսաներն ու տեղական թրեյդերներին, ինչպես նաեւ կարգելափակի եւ կընդունի միջոցներ ընդդեմ կայքերի, հավելվածների եւ կորպորատիվ ալիքների:
Յուփինը նաեւ դիմել է հանրությանը: Նա կոչ է արել քաղաքացիներին անհապաղ հաղորդել համապատասխան տեսչություններ թվային ակտիվների հետ անօրինական գործողությունների մասին:
Ավելի վաղ հաղորդվել էր, որ կրիպտոմայնինգային ընկերությունները սկսել են հեռանալ Չինաստանից կարգավորող շուկայի խստացման պատճառով: Չինաստանում գրանցվել է էներգիայի համաշխարհային ծախսի շուրջ երկու երրորդը, որով հայթայթվել են բիթքոյններ: Ընդ որում՝ երկրնում չկա կրիպտոարժույթի համընդհանուր շրջանառություն, անգամ երբ ազգային ձեռնարկություններն արդեն սկսել են գերիշխել դրա հայթայթման գործում:
