Societe Generale-ը թուրքական լիրայի ավելի լուրջ անկում է կանխատեսում
Societe Generale ֆրանսիական բանկը թուրքական լիրայի ավելի լուրջ անկում է կանխատեսել, ինչը ճանապարհ կհարթի հնարավոր արժութային ճգնաժամի համար այն բանից հետո, երբ հանգստյան օրերին նախագահ Ռեջեփ Թայիփ Էրդողանն աշխատանքից հեռացրեց կենտրոնական բանկի կառավարչին:
«Նասի Աղբալին Կենտրոնական բանկի ղեկավարի պաշտոնից հեռացնելու Էրդողանի որոշումը երկիրն «անդառնալիության կետից այն կողմ» հասցրեց»,- ասել է է General Societe-ի ռազմավար Ֆենիքս Քալենը: «Առանց արտարժույթի պաշտպանության զգալի պահուստների եւ թուրք ներդրողներից արտասահմանյան եւ տեղական կապիտալի ակնկալվող արտահոսքի գուցե դժվար լինի խուսափել նոր արժութային ճգնաժամից առաջիկա ամիսներին»,- ասել է Քալենը:
Էրդողանն Աղբալին հեռացրեց ուրբաթ օրը, երբ վերջինս գնաճը զսպելու եւ լիրայի արժեքը բարձրացնելու համար տոկոսադրույքները բարձրացրեց 200 բազային կետով՝ հասցնելով 19 տոկոսի: Նախագահը նրան փոխարինեց իր իշխող «Արդարություն եւ զարգացում» կուսակցության (ԱԶԿ) նախկին պատգամավոր Սահապ Քավչիօղլուով, ով կողմ էր հանդես գալիս փոխառությունների ծախսերի իջեցմանը տնտեսական աճի խթանման համար:
Երկուշաբթի լիրան դոլարի նկատմամբ իջել է մինչեւ 8.48: Ստամբուլում առավոտյան ժամը 10:07-ի դրությամբ այն ընկել է 8.8 տոկոսով՝ մեկ դոլարի դիմաց կազմելով 7.85:
Ակնկալվում է, որ տարադրամի փոխարժեքը տարվա երկրորդ եռամսյակում մեկ դոլարի դիմաց 9.7 կկազմի, երրորդ եռամսյակում՝ 9, իսկ տարվա վերջին երեք ամիսներին՝ 9.3 դոլարի դիմաց, ասել է Քալենը:
