Հայկական E-auto-ի՝ շուրջ $5 մլն ներդրումը. Երևանում բացվել է HONGQI-ի՝ տարածաշրջանում խոշորագույն կենտրոնը
Socity21-ը օգոստոսի, 2026թ․ Երևան․ E-auto ընկերությունը, որը HONGQI էլեկտրամոբիլների միակ պաշտոնական ներկայացուցիչն է Հայաստանում և Վրաստանում, Երևանում բացել է ավտոմոբիլային այս բրենդի՝ տարածաշրջանում խոշորագույն կենտրոնը՝ ներդնելով շուրջ 5 միլիոն ԱՄՆ դոլար։
Բացման հանդիսավոր արարողությանը մասնակցել են ՀՀ էկոնոմիկայի նախարարի տեղակալ Նարեկ Հովակիմյանը, HONGQI-ի մայր գործարանի՝ FAW ընկերության՝ Արևելյան Եվրոպայում գլխավոր տնօրենի տեղակալ Լու Ժիգուանը:
Ռուբինյանց 40/3 հասցեում՝ գրեթե 3000 քառակուսի մետր ընդհանուր տարածքով նոր համալիրում մեկ հարկի տակ գործում են HONGQI-ի ֆլագմանային խանութ-ցուցասրահը, տեխնիկական սպասարկման կենտրոնը և ավտոմեքենաների ներկման մասնագիտացված կայանը։ Ընկերությունը նաև տնօրինում է շուրջ 2500 քմ մակերեսով պահեստային տարածք անհրաժեշտ պահեստամասերի մշտական առկայությունն ապահովելու համար։
HONGQI-ն Հայաստանում ներկայացնելուց կարճ ժամանակ անց E-autoն կարողացել է ոչ միայն դառնալ էլեկտրամոբիլների պաշտոնական ներկրման շուկայի առաջատար, այլև ձևավորել մեքենաների վաճառքից մինչև երաշխիքային և հետերաշխիքային սպասարկում ընդգրկող ամբողջական ենթակառուցվածք։
2025 թվականին E-auto-ն Հայաստան է ներմուծել շուրջ 800 էլեկտրամոբիլ՝ ապահովելով պաշտոնական ներկայացուցիչների կողմից ներմուծված էլեկտրամոբիլների շուրջ 35%-ը։ 2026 թվականին ընկերությունը շարունակում է պահպանել առաջատար դիրքը՝ մինչ օրս ներմուծելով արդեն շուրջ 500 էլեկտրամոբիլ։ E-auto-ի նպատակն է մինչև տարեվերջ գերազանցել նախորդ տարվա ցուցանիշը։
«Այսպիսի արագ աճը մեզ համար, այո, մեծ ձեռքբերում է, բայց, միևնույն ժամանակ, մեծ պատասխանատվություն։ Մեր աշխատանքը չի ավարտվում մեքենայի վաճառքով. հաճախորդը պետք է վստահ լինի, որ միշտ, իր մեքենայի հետ կապված ցանկացած հարցի դեպքում ունի մեկ հասցե, որտեղ կստանա լիարժեք մասնագիտացված և վստահելի սպասարկում։ Շուրջ 5 միլիոն դոլարի ներդրմամբ մենք ստեղծել ենք այդ ենթակառուցվածքը Հայաստանում HONGQI-ի յուրաքանչյուր վարորդի համար»,-ասում է E-auto ընկերության համահիմնադիր և գլխավոր տնօրեն Գևորգ Աղաջանյանը։
Նոր կենտրոնը համալրված է HONGQI էլեկտրամոբիլների տեխնիկական զննման, սպասարկման և վերանորոգման բոլոր անհրաժեշտ ժամանակակից սարքավորումներով, ինչպես նաև ավտոմեքենաների ներկման կայանով, որտեղ կիրառվում են գործարանային տեխնոլոգիաներ և ստանդարտներ՝ ապահովելով բարձրակարգ արդյունք և որակ։
«Վերջին տարիներին էլեկտրամոբիլների ներմուծման և շահագործման խթանման քաղաքականությունը Էկոնոմիկայի նախարարության առաջնահերություններից է, ինչի նպատակով տրամադրվում են ԱԱՀ- ի և մաքսատուրքերի ազատման արտոնություններ: Այսօրվա խորհուրդն էլ փաստում է, որ մենք ճիշտ ճանապարհին ենք: Իսկ միջազգային ընկերությունների պաշտոնական ներկայացուցիչների դերը կարևոր է ոչ միայն որակյալ տրանսպորտային միջոցների ներմուծման, այլև ենթակառուցվածքների զարգացման, պատասխանատվության ինստիտուտի ձևավորման և երաշխիքի տրամադրման առումով»,-ասում է ՀՀ էկոնոմիկայի նախարարի տեղակալ Նարեկ Հովակիմյանը:
E-auto-ի արագ զարգացումը շարունակվում է նաև Հայաստանի սահմաններից դուրս։ 2025 թվականին գրանցած արդյունքներից հետո ընկերությունը 2026 թվականի սկզբին դարձել է HONGQI-ի պաշտոնական ներկայացուցիչը նաև Վրաստանում՝ հայկական շուկայում հաջողությամբ կիրառված բիզնես մոդելը տեղափոխելով տարածաշրջանային մակարդակ։
«Մենք կշարունակենք սերտորեն համագործակցել մեր գործընկերոջ հետ՝ բոլոր հաճախորդներին հուսալի սպասարկում և երկարաժամկետ աջակցություն ապահովելու նպատակով, և այս նոր ցուցասրահի շնորհիվ հայաստանի հաճախորդներն այժմ կարող են ավելի մոտիկից ծանոթանալ HONGQI-ին և անձամբ փորձարկել մեր արտադրանքը», - ասել է HONGQI-ի մայր գործարանի՝ FAW ընկերության՝ Արևելյան Եվրոպայում գլխավոր տնօրենի տեղակալ Լու Ժիգուանը:
Երևանում E-auto-ի հասցեներն են՝ Ռուբինյանց 40/3 և Դավիթ Բեկ 138/4: Ընկերությունը HONGQI Էլեկտրամոբիլների համար տրամադրում է մինչև 8 տարի կամ մինչև 150․000 կիլոմետր պաշտոնական երաշխիք։
Համագործակցելով Հայաստանում գործող գրեթե բոլոր առաջատար բանկերի հետ՝ E-auto ն իր հաճախորդներին տրամադրում է նաև ավտովարկ ձևակերպելու հատուկ հնարավորություն՝ սկսած 0% կանխավճարից։
Հավելյալ տեղեկատվությունը հասանելի է www.hongqi.am կայքում, Facebookյան էջում և +37410330330, +37491330330 հեռախոսահամարներով։
E-auto ընկերության մամուլի ծառայություն՝ pr@e-auto.am
