Եվրոպացիների վրա ծիծաղում էին, բայց արևային էներգիան իսկապես փոխարինեց ռուսական գազին. դրական վիճակագրություն

Այսօր Եվրոպայում գրեթե յուրաքանչյուր երկրորդ կիլովատը գալիս է վերականգնվող էներգիայի աղբյուրներից։ Հանածո վառելիքի մասնաբաժինը կազմում է ընդամենը մեկ երրորդը:

Անկախ էներգետիկ հետազոտությունների Ember վերլուծական կենտրոնը հրապարակել է իր ԵՄ Էլեկտրաէներգիայի արտադրության 2024 թվականի պատկերը և հեռանկարները վերլուծելով էլեկտրաէներգիայի արտադրության և պահանջարկի տարեկան տվյալները 27 երկրներում, գրում է nashaniva.com–ը:

Վերլուծությունը ցույց է տվել, որ արևային էներգիայի արտադրությունը տարվա ընթացքում աճել է 22 %-ով համեմատած 2023 թվականի հետ և առաջին անգամ առաջ է անցել ածուխից, որն էներգիայի երրորդ խոշոր աղբյուրից տեղափոխվել է վեցերորդ տեղը (ընդհանուր արտադրության 9,8 %-ը): Արևային էներգիան այժմ կազմում է ընդհանուր արտադրության 11 %-ը։

Արևային էներգիայի արտադրությունն աճում է ԵՄ բոլոր երկրներում, մինչդեռ ածուխն ավելի ու ավելի մարգինալ է դառնում: ԵՄ երկրների կեսից ավելին կա՛մ չունի ածխի էներգիա, կա՛մ դրա մասնաբաժինը նրանց էներգետիկ հաշվեկշռում 5 %-ից էլ պակաս է։

Միաժամանակ հինգերորդ տարին անընդմեջ գազի սպառման նվազում է նկատվում։ Հեղինակները նշում են, որ ածխի պահանջարկի ևս մեկ անկման հետ մեկտեղ դա նվազեցրել է էլեկտրաէներգիայի ոլորտի ընդհանուր արտանետումները 2024 թվականին մինչև 2007 թվականի գագաթնակետի կեսից էլ ցածր:

Ինչպես նշվել է վերլուծության մեջ, քամու և արևային էներգիայի ընդլայնման շնորհիվ վերականգնվող էներգիայի աղբյուրները 2019 թվականի 34 %-ից աճել են մինչև 47 % 2024-ին, մինչդեռ հանածո վառելիքի մասնաբաժինը նվազել է 39 %-ից մինչև պատմական նվազագույնը՝ 29 %–ի:

Զգալի առաջընթացն օգուտներ է բերել արտանետումների կրճատումից դուրս: Քամու և արևային էներգիայի կառուցվածքային աճը նվազեցրել է ԵՄ հանածո վառելիքի ներմուծման օրակարգը և խոցելիությունը ներմուծվող գազից:

Փորձագետները գնահատում են, որ առանց քամու և արևային հզորությունների ավելացման 2019 թվականից ի վեր, ԵՄ-ն կներկրեր 92 միլիարդ խորանարդ մետր ավելի գազ և 55 միլիոն տոննա ավելի շատ ածուխ, ինչը կարժենար 59 միլիարդ եվրո:

Ինչպես նշում են հեղինակները, արևային էներգիան է շարունակում մնալ ամենաարագ աճող էներգիայի աղբյուրը ԵՄ-ում, սակայն աճը պահպանելու և սպառողների կողմից արևային էներգիայից լիարժեք օգուտ քաղելու համար եվրոպական էներգետիկ համակարգը պետք է դառնա ավելի ճկուն և մեծացնի էներգիան կուտակելու կարողությունները։

2024 թվականին արևային էներգիայի մեծ քանակությունն օգնել է իջեցնել էլեկտրաէներգիայի միջին օրվա գները, երբեմն նույնիսկ հանգեցնելով «բացասական գների», որտեղ ավելցուկային մատակարարումը ստիպել է էլեկտրաէներգիան շուկաներում վաճառվել զրոյից ցածր գներով:

Մեկ տարում էլեկտրաէներգիայի «բացասական գների» տեսակարար կշիռը կրկնապատկվել է 2023 թվականի ընդհանուր ժամանակի 2 %-ից մինչև 2024 թվականին միջինը 4 %-ի։ Ember–ը նշում է, որ այս երևույթը նկատվել է ԵՄ գրեթե բոլոր երկրներում։

Էլեկտրաէներգիայի գների նման տատանումները կարող են օգնել սպառողներին նվազեցնել իրենց հաշիվները, եթե պահանջարկը տեղափոխվի այն ժամանակահատվածներին, երբ արևային էներգիան առատ է, ասում են վերլուծական կենտրոնում: Մատակարարները կարող են նաև պահեստավորել արտադրության պիկ ժամերին արտադրված ավելցուկային էլեկտրաէներգիան և այն բաշխել, երբ պահանջարկը կրկին մեծանա, օրինակ երեկոյան:

Ember–ի խոսքով վերջին տարիներին զգալիորեն աճել է էներգիայի պահպանման մարտկոցների արտադրությունն ու տեղադրումը։ Նրանց միացյալ հզորությունը 2023 թվականին հասել է 16 ԳՎտ-ի՝ 2022 թվականի 8 ԳՎտ-ի դիմաց: Այնուամենայնիվ, այդ հզորությունը կենտրոնացված է հիմնականում մի քանի երկրներում, 2023 թվականի վերջին առկա մարտկոցների 70 %-ը գտնվում էր Գերմանիայում և Իտալիայում:

Ինչպես նշում են փորձագետները, արագ անցումը դեպի մաքուր էներգիա և ճկունության բարձրացման լուծումների իրականացումը դառնում են ԵՄ մրցունակության հիմնական գործոնները, ընդ որում էներգիայի վերականգնվող աղբյուրները և պահեստավորման համակարգերը դառնում են էներգիայի անցման հիմնական հենասյուները:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]