100 դրամանոցներ այլևս չեն լինի․ ինչպե՞ս պետք է վճարի քաղաքացին (տեսանյութ)
Socity
Հունվարի մեկից երկրում մեծ փոփոխություններ եղան, ինչը շատերի համար սովորական էր, իսկ շատերի համար էլ տհաճ անակնկալ։
Փոփոխություններից մեկն այն էր, որ տրանսպորտային միջոցներից օգտվելու համար 100 դրամանոց մետաղադրամները այլևս գործածելի չեն։ Չնայած այն հանգամանքին, որ այլևս պետք չէ 100 դրամանոց մետաղադրամ փնտրել, ինչն ուրախալի է թվում, Երևանի քաղաքապետարանն այդ ուրախությունը երկար «վայելել» թույլ չտվեց։
Բանն այն է, որ հունվարի մեկից սկսած տրանսպորտային միջոցներից օգտվելու համար անհրաժեշտ են միմիայն QR կոդեր, որոնք փոխարինում են 100 դրամանոց մետաղադրամներին։
Թվում է, թե կա այլընտրանքային տարբերակ, այն է՝ օգտվել հին ավտոբուսներից, սակայն այս անգամ ևս չի հաջողվի, քանի որ հին ավտոբուսներն էլ փոխարինվել են նորերով, որոնց դեպքում նույնպես ընդունելի է QR կոդով վճարման տարբերակը միայն։
Չնայած նրան, որ 100 դրամանոց մետաղադրամները պատուհաս էին դարձել տրանսպորտից օգտվողների համար, QR կոդերը կրկնակի անգամ պատուհաս են, քանի որ սկզբնական ժամանակահատվածում քաղաքացիները QR կոդերը կարող էին օգտագործել գնելուց հետո 1 ամսվա ընթացքում, սակայն կոդերի պահպանման ժամկետը կրճատվեց և ստացվեց այնպես, որ QR կոդերը պետք է կիրառել 10-օրյա ժամկետներում։ Այսօր էլ պարզ դարձավ, որ ևս մեկ անգամ QR կոդերի օգտագործման ժամկետները կրճատվել են և այն պետք է մարել 4-օրյա ժամկետում։
Ստացվում է այնպես, որ այժմ QR կոդ կարելի է գնել ոչ թե 10, այլ 4 օրվա համար։
Հավելենք, որ Երևանի քաղաքապետարանի մամուլի խոսնակ Հայկ Կոստանյանը ArmLur.am-ի հետ զրույցում ասաց, որ այս որոշումը Երևանի ավագանու որոշումն է և մինչ այս պահը գնված QR կոդերը, որոնց օգտագործման ժամկետը 10 է եղել, դեռ կարելի է օգտագործել։
Մանրամասները՝ տեսանյութում։
