Եթե մեզ համար թանկ է Հայաստանի ինքնիշխանությունը, պետք է հստակ կանգնենք Ռուսաստանի կողքին. Մհեր Ավետիսյան
PoliticsԵկել է սթափվելու ժամանակը, մենք պետք է հստակ հասկանանք, որ եթե մեզ պետականություն է պետք, եթե մեզ համար թանկ է Հայաստանի ինքնիշխանությունը, ուրեմն պետք է հստակ կանգնենք Ռուսաստանի կողքին, կառուցենք նրա հետ, Ռուսաստանին օգնենք մեր տարածաշրջանում անվտանգության նոր ճարտարապետություն կառուցել և աջակցել նրան մեր տարածաշրջանում խաղաղության հաստատման գործում: Նոյեմբերի 29-ին Մոսկվայում անցկացված «Ռուսաստան-Հայաստան» երկրորդ հանրային ֆորումի արդյունքները ամփոփելով՝ նման հայտարարություն է արել «Իմ երկիր, իմ Հայաստան» հասարակական շարժման ղեկավար Մհեր Ավետիսյանը։
«Այսօրվա մեր ֆորումի արդյունքներն ամփոփելով՝ ուզում եմ ի սրտե շնորհակալություն հայտնել բոլոր այն մարդկանց, ովքեր ժամանակ են հատկացրել մասնակցելու հայ ժողովրդի համար մեծ նշանակություն ունեցող այս քննարկումներին։
Հայ-ռուսական հարաբերությունների մասին մենք կշարունակենք խոսել ապագայում, քանի որ հայ-ռուսական հարաբերությունները և՛ Հայաստանի Հանրապետության, և՛ հայ ժողովրդի անվտանգության, և՛ պետականության պահպանման հիմքն են։
Ցավոք, Հայաստանի այսպես կոչված «քաղաքական վերնախավում» կարծիք է ձևավորվել, թե 44-օրյա աղետալի պատերազմից և Արցախի կորստից հետո Հայաստանն արդեն կարող է հեռանալ Ռուսաստանից, քանդել Կովկասում Ռուսաստանի ձևավորած անվտանգության համակարգը և. ինտեգրվել Արևմուտքին, դառնալ Եվրամիության անդամ և կառուցել իր անվտանգության ճարտարապետությունը՝ հիմնվելով արևմտյան մոդելի վրա: Սա ոչ միայն անհեթեթ մտածողության ուղղություն է, որը, ցավոք, այսօր տեղի է ունենում Հայաստանի քաղաքական կյանքում, այլև վտանգավոր, չափազանց վտանգավոր մոտեցում։ Հենց այս կործանարար տրամաբանության շրջանակում է, որ Հայաստանի այսօրվա այսպես կոչված «քաղաքական վերնախավերը» կարծում են, որ եթե մենք հարևան պետությունների հետ տարածքային խնդիրներ չունենանք, իհարկե, լավ է, որ մեր պետությունն իր հարևանների հետ տարածքային խնդիրներ չի ունենա, բայց այդ տրամաբանությամբ, որով առաջնորդվում է մեր, այսպես ասած, «քաղաքական միտքը», հարևանների հետ հարաբերությունների հարցում նրանք առաջ են քաշում այն միտքը. եկեք ում ուզում է ինչ տանք ու հրաժարվենք մեր պատմական ժառանգությունից, մոռանանք Արարատ լեռը, չխոսենք Արևմտյան Հայաստանի մասին, և ոմանք էլ պնդում են, որ Ուրարտուն հայկական չի եղել, մենք Ադրբեջանին կտանք այն ամենը, ինչ նա ուզում է, միգուցե ապագայում Վրաստանը նման բան ցանկանա, և այդ ժամանակ այլևս հարևան երկրների հետ խնդիրներ չենք ունենա, հետևաբար, մեզ այլևս պետք չի լինի Ռուսաստանը, և մենք հեշտությամբ կարող ենք ինտեգրվել Արևմուտքին։
Սա չափազանց անհեթեթ և վտանգավոր մտածողություն է։
Ցավոք, այս ամենը ներկայացված է Արևմուտքից ներկրված PR տեխնոլոգիաների և քաղաքական «սոուսների» փաթեթում, որպեսզի հասարակ մարդիկ մարսեն այդ անհեթեթությունն ու վտանգավոր թեզերը, ինչպես նաև կանաչ լույս վառեն «քաղաքական էլիտայի» համար՝ շարունակելու համար Հայաստանը Ռուսաստանից անջատելու իրենց աղետալի քաղաքականությունը, այսինքն՝ սկիզբ դրեցին Հայաստանի փլուզման ու կործանման գործընթացին։ Հայաստանի Հանրապետությունը չի կարող գոյություն ունենալ առանց Ռուսաստանի հետ ռազմավարական, դաշնակցային և բարեկամական հարաբերությունների, սա ոչ միայն քաղաքական, այլև պատմական փաստ է, և այս հանգամանքը պետք է հաշվի առնել՝ անկախ Ռուսաստանի հանդեպ ոմանց սիրուց կամ դրա բացակայությունից։ Որքան էլ նրանք ձգտեն դեպի Արևմուտք, միևնույնն է, ստիպված են լինելու ճանաչել այն փաստը, որ առանց Ռուսաստանի հետ ռազմավարական դաշինքի՝ Հայաստանի ինքնիշխանությունն ու պետականությունը հնարավոր չի լինի պահպանել։ Ինչքան զիջումների գնանք մեր հարևանների հետ, այնքան շատ նրանք հետագայում մեզնից կպահանջեն։
Այսօր մեր հարևան Ադրբեջանի նախագահը լուսանկար է հրապարակում, որում կանգնած է Էրիվանի խանության դրոշի կողքին, մեր հարևան Իրանը հայտարարում է, որ անհրաժեշտության դեպքում և իր հայեցողությամբ իր զորքերը կուղարկի Սյունիքի մարզ՝ առանց Հայաստանի կարծիքն ու դիրքորոշումը հաշվի առնելու, իսկ Վրաստանում արդեն ակնարկել են, որ Լոռին վրացական մարզ է, իսկ Թուրքիան ուղղակի հիացած է՝ նայելով մեր վարած քաղաքականությանը, քանի որ առանց բառ ասելու՝ առանց «մատը մատին խփելու» նա կարող է իրականացնել իր վաղեմի ու բաղձալի երազանքը՝ հայոց պետականության կորուստը։ Պետք է դադարեցնել այս աղետալի քաղաքական գործընթացները, պետք է դեմ գնալ այս մտածողությանը։
Այսօր ՀՀ-ում արդեն այնպիսի մթնոլորտ է ձևավորվել, որ գործող իշխանությունները բացահայտ հայտարարում են, որ իրենց գործունեության նպատակն է, որ Հայաստանը կարողանա գոյություն ունենալ և զարգանալ անկախ առանց Ռուսաստանի, և այս առումով Հայաստանն այլընտրանքային քաղաքական շարժում պետք է ձևավորվի, միևնույն ժամանակ Հայաստանում ընդդիմությունը, ցավոք, չի ձևավորում այլընտրանքային մտածողություն՝ ուղղված այս քաղաքական կուրսի դեմ, այլ ընդհակառակը, ինքն է փորձում համոզել մեր ժողովրդին՝ ներկայացնելով տարբեր քաղաքական մտքեր ու վերլուծություններ, որ հնարավոր է նաև երկու լարերի վրա նվագելով՝ պահպանել Հայկական պետականությունը կամ գոնե փորձենք լավ հարաբերություններ պահպանել Արևմուտքի հետ, նույն Արևմուտքի հետ, որն այսօր արդեն բացահայտ պայքարում է մեր ռազմավարական դաշնակցի և բարեկամ Ռուսաստանի դեմ, Արևմուտքի հետ, որն արդեն բացահայտ պայքարում է մեր դեմ, որը զենք է մատակարարում Ուկրաինային, որից մահանում են մեզ բարեկամ ռուս ժողովրդի զինվորները։
Իմ սիրելի հայ ժողովուրդ.
Եկել է սթափվելու ժամանակը, մենք պետք է հստակ հասկանանք, որ եթե մեզ պետականություն է պետք, եթե մեզ համար թանկ է Հայաստանի ինքնիշխանությունը, ապա մենք պետք է հստակ կանգնենք Ռուսաստանի կողքին, կառուցենք նրա հետ, օգնենք Ռուսաստանին կառուցել անվտանգության նոր ճարտարապետություն. մեր տարածաշրջանում և աջակցել նրան մեր տարածաշրջանում խաղաղության հաստատման գործում: Հակառակ դեպքում, Արևմուտքը կրկին տարածաշրջանային պատերազմ կհրահրի, և այսօր արդեն փորձեր են արվում դա անել՝ տարածաշրջանում նոր ռազմական հակամարտություն հրահրել՝ նպատակ ունենալով բացել Ռուսաստանի համար նոր ճակատ և նոր խնդիրներ՝ թքած ունենալով, որ այդ պատերազմի արդյունքում, այդ նպատակներին հասնելու համար զոհասեղանի վրա հայ ժողովուրդը կդնի իր կյանքը, իր զավակների կյանքը և կկորցնի պետականությունը։
Այո՛, եկել է սթափվելու և ճշմարտության հետ առերեսվելու ժամանակը, քանի որ ինքնախաբեությամբ, սեփական պատմության պղծմամբ ու խեղաթյուրմամբ մենք չենք կարող պետություն ունենալ։ Եվ այս ճշմարտությունները պետք է հասկանան նրանք, ովքեր քանդում են հայ-ռուսական հարաբերությունները, նրանք, ովքեր վարկաբեկում են հայ-ռուսական հարաբերությունները և փորձում են հայ ժողովրդի մեջ հակառուսական մոտեցում սերմանել, դրանք ուղղակիորեն ջուր են լցնմում մեր թշնամիների ջրաղացին, դրանով իսկ մեծ ներդրում ունենալով հայոց պետականության կործանման գործընթացում։ Եվ այսօր ուզում եմ մեր ժողովրդին խնդրել՝ ամուր պահպանենք հայ-ռուսական, ազգային, անգնահատելի հարաբերությունները, սիրենք ռուս ժողովրդին, Ռուսաստանին, որովհետև Հայաստանի Հանրապետության միակ բարեկամը և Հայաստանի ինքնիշխանության ու պետականության միակ պահապանը Ռուսաստանը և նրա ժողովուրդն է:
Եվ հուսով եմ, որ Աստծո օգնությամբ մենք կարող ենք լինել բավական խելացի, իմաստուն և կամք ունենալ հիշելու մեր նախնիներին ու մեր պատմական անցյալը, որպեսզի դարերով կռված պայքարում բազմաթիվ հաջողությունների հասած և տառապանքի գավաթը մինչև հատակը ճաշակած մեր հինավուրց ժողովուրդը, որն այսօր հասել է մեր օրերին, ունի անկախ պետություն, և մեր պարտքն է պահպանել այս պետականությունը և որպես անգին ժառանգություն փոխանցել սերունդներին»,-նշել է Մհեր Ավետիսյանը:
