Երեկ մոտ 120-130 հազար մարդ կար հրապարակում, եթե ոչ ավել. Բագրատ Սրբազան
Socity
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Գործընթացն այնպիսին է, որ եւ ճնշում պետք է լինեն, եւ թելադրանք լինի, եւ բանակցություններ լինեն, որ համախոհություն գուայան եւ գործընթացն ավարտվի: Այս մասին, այսօր՝ մայիսի 10-ին, Հանրապետության հրապարակում լրագրողների հետ զրույցում նշեց Տավուշի թեմի առաջնորդ Բագրատ Սրբազանը՝ անդրադառնալով հարցին, թե հնարավոր համարո՞ւմ է, որ ՔՊ-ից միանան իր առաջնորդած շարժմանը:
«Շատ մարդկանց գիշերը խնդրելով, աղաչելով տուն եմ ուղարկել, ասել եմ, գնացեք, հանգստացեք, կհանդիպենք: Հրապարակում տեղի ունեցած հանրահավաքը շատ ուժեղ ազդակ և ուղերձ էր, որ մեր ժողովուրդը որոշակի իմաստով պատրաս է ազատագրվել այս ստի, չարիքի ու կեղծիքի իշխանությունից։
Իրենք քիչ առաջ էի ասում, մեր օրակարգը տարբեր էր, քայլերի հերթականությունը տարբեր էր, երեկ ժողովուրդը ստիպեց, որ իրենց ուղերձը ձևակերպվի մեր կողմից։ Այդքան արթնություն կա ժողովրդի մեջ։ Այս հրապարակը Դուք տեսաք, ըստ տվյալների, մոտ 120-130 հազար մարդ կար երեկ հրապարակում, եթե ոչ ավել։ Արթնության զգացումը կա, այս բոլորն այլևս պետք է տեղափոխվի քաղաքական հարթակ»,-ասաց Բագրատ Սրբազանը։
Նա վստահություն հայտնեց, որ հայաստանյան քաղաքական ներկապնակում առկա ուժերը ի վերջո համախոհության որոշակի քայլերի ձեռնարկումով կիրականացնեն այն, ինչ ժողովրդի իղձն ու փափագն է։
Նշենք, որ «Ազգային ճակատ» թելեգրամյան ալիքի տվյալներով երեկ հրապարակում հավաքին մասնակցել են ավելի քան 60,000 քաղաքացիներ։
«ՌԻԱ Նովոստի»-ի, տվյալներով հրապարակում և հարակից փողոցներում առնվազն 20 հազար մարդ կար։
«Իրազեկ քաղաքացիների միավորում»-ը ևս ներկայացրել է հանրահավաքի մասնակիցների քանակը՝ նշելով, որ 18:10-ի դրությամբ Հանրապետության հրապարակում և հարակից տարածքներում գտնվել է շուրջ 31.700 մարդ:
Առավել մանրամասն` այստեղ.
https://t.me/arm24live
