Panasonic-ի նորարարական արևային մարտկոցները կարող են փոխարինել տների պատուհաններին
Econoмицс
4pda.to-ն գրում է, որ CEATEC Japan 2023 միջազգային ցուցահանդեսում Panasonic-ը ներկայացրել է սեփական կառուցվածքի արևային մարտկոցների նոր տեսակ։ Օգտագործելով շատ խոստումնալից հանքային պերովսկիտը` ճապոնական հսկային հաջողվել է հասնել էլեկտրականության արտադրության բարձր արդյունավետության` միաժամանակ արևային բջիջները բավական թափանցիկ դարձնելով, որպեսզի դրանք օգտագործվեն որպես պատուհաններ:
Panasonic-ը մշակել է ապակե հիմքի վրա պերովսկիտը ծածկելու սեփական տեխնոլոգիա: Դա հնարավորություն է տվել ընդլայնել նման վահանակների ճարտարապետական կիրառությունների շրջանակը: Ընկերությունն ասում է, որ չնայած իր մարտկոցների թափանցիկությանը, իր պերովսկիտային արևային մարտկոցները չեն նվազեցնում էներգիայի արտադրության արդյունավետությունը, ինչը համեմատելի է ավանդական բյուրեղային սիլիկոնե արևային վահանակների արդյունավետության հետ: Panasonic-ի 800 քառակուսի սանտիմետրից ավելի չափսերով վահանակների էլեկտրաէներգիայի արտադրության արդյունավետությունը կազմում է 17,9%, ինչն արդեն հաստատվել է անկախ կազմակերպության կողմից։
Որպես իր հայտարարության մաս, Panasonic-ը հայտարարել է չորս տարբեր տեսակի վահանակներ թողարկելու պլանների մասին.
— Ամբողջությամբ ոչ թափանցիկ վահանակ, որն ապահովում է էներգիայի արտադրության ամենաբարձր արդյունավետությունը աշխարհում:
— Վահանակ 20% թափանցիկության մակարդակով:
— 50% թափանցիկության մակարդակով վահանակ, որը թույլ է տալիս այն օգտագործել որպես պատուհանի ապակի։
— Գրադիենտային թափանցիկության մակարդակով վահանակ:
Ակնկալվում է, որ տեխնոլոգիան սկզբում կներդրվի կոմերցիոն ոլորտում, օրինակ, գրասենյակային շենքերում, իսկ ապագայում այդ արևային վահանակները հնարավոր կլինի տեսնել սովորական բնակելի շենքերում։
Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarON արևային կայան և զրոյացրեք էլեկտրաէլերգիայի ծախսը
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։
Զանգահարեք 8757, 010 440055
էլ. փոստ ֊ [email protected]
